آسٹریلوی حکومت کی جانب سے ٹینس اسٹار نوواک جوکووچ کا ویزا منسوخ

بغیر کورونا ویکسین کے خصوصی استثنیٰ پر آسٹریلیا جانے کی کوشش کرنے والے عالمی ٹینس پلیئر نوواک جوکووچ کا ویزا منسوخ کردیا گیا ہے۔
غیر ملکی میڈیا رپورٹ کے مطابق ٹینس کھلاڑی نووک جوکووچ کو آسٹریلیا میں داخل ہونےسےروک دیاگیا ہے، نواک جوکووچ آسٹریلین اوپن میں شرکت کیلئےمیلبرن پہنچےتھے۔
ٹینس کے معروف کھلاڑی نے ابھی تک کرونا سے ویکیسن نہیں لگوائی تھی اور انہوں نے ایئرپورٹ حکام سے ویکسین نہ لگوانےپراستثنیٰ مانگاتھا۔
آسٹریلین میڈیا کا کہنا ہے کہ ٹینس اسٹار کا کرونا ویکسین نہ لگانے پر آسٹریلیا کا ویزا مسترد کیا گیا ہے جبکہ غیر ملکی خبرایجنسی کا دعویٰ ہے کہ ٹینس اسٹار کےدستاویزات میں مسئلے پر ویزامنسوخ کیاگیا۔
آسٹریلین وزیراعظم اسکاٹ مورس نے بھی معاملے پر اپنے ردعمل کا اظہار کرتے ہوئے کہا کہ قانون، قانون ہے اور وہ سب کے لیے ایک ہی ہوگا، انہوں نے کہا کہ آسٹریلوی سرحدی قوانین کے باعث ان کے ملک میں کورونا سے اموات کی شرح دنیا میں سب سےکم ہے۔

نووک جوکووچ کے وکیل کا کہنا ہے کہ ہم ویزامسترد ہونے پر اپیل کریں گے۔