آرمی چیف کی ٹوکیو اولمپکس میں پاکستان کی نمائندگی کرنیوالے کھلاڑیوں سے ملاقات

ٹوکیو اولمپکس میں پاکستان کی نمائندگی کرنے والے کھلاڑیوں نے آرمی چیف جنرل قمر جاوید باجوہ سے ملاقات کی۔ آرمی چیف نے اولمپک کھلاڑیوں کی کوششوں کو سراہا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف نے اولمپینز کو بتایا کہ اولمپکس میں ان کی شرکت نے پاکستانی قوم خاص طور پر نوجوانوں کو متاثر کیا۔ فوج نے ہمیشہ کھیل کو سپورٹ کیا ہے۔

آرمی چیف جنرل قمر جاوید باجوہ نے کہا کہ بین الاقوامی سطح پر پاکستان کی نمائندگی نہ صرف اعزاز ہے بلکہ قوم کے لیے باعث فخر بھی ہے۔

انہوں نے کھلاڑیوں کو پاکستانی فوج کی مستقبل کی کوششوں میں مکمل تعاون کی یقین دہانی کرائی۔

اس موقع پر کھلاڑیوں ارشد ندیم ، طلحہ طالب ، حوالدار محمد خلیل اختر ، سپاہی گلفام جوزف نے آرمی چیف کا شکریہ ادا کیا۔