امریکہ نے انخلا اپنی مرضی سے کیا

وزیراعظم عمران خان نے کہا ہے کہ انہیں یقین نہیں ہے کہ انخلاء سے امریکہ کی بین الاقوامی ساکھ متاثر ہوگی۔ امریکہ نے رضاکارانہ طور پر افغانستان سے انخلا کر لیا ہے۔

ایک امریکی میگزین کو انٹرویو دیتے ہوئے عمران خان نے کہا کہ امریکہ افغانستان کے بحران کو حل کرنے میں بھی کردار ادا کرسکتا ہے۔

وزیر اعظم نے کہا کہ افغان طالبان نے چین کی مدد قبول کر لی ہے ، انہوں نے مزید کہا کہ امریکہ اور خطے کی تمام بڑی طاقتوں کے درمیان تعاون ہی تباہی سے بچنے کا واحد راستہ ہے۔

عمران خان نے کہا کہ افغانستان کو کورونا اور سابقہ حکومتوں کی ناکامیوں کی وجہ سے انسانی بحران کا سامنا ہے اور افغانستان میں دہشت گرد گروہوں کو جڑ سے اکھاڑنے کے لیے کابل میں حکام کے ساتھ مل کر کام کرنا چاہیے۔

وزیر اعظم نے کہا کہ ٹی ٹی پی پاکستان پر ہزاروں دہشت گرد حملوں کے ذمہ دار ہے ، پاکستان اور امریکہ کو افغانستان میں دہشت گردی روکنی چاہیے ، اور انہیں افغانستان میں انسانی بحران سے نمٹنے کے لیے افغانستان کے ساتھ تعاون کرنا چاہیے۔