افغان حکومت کا 11 ستمبر کو حلف اٹھانے اعلان

غیر ملکی خبر رساں ادارے کے مطابق نئی افغان حکومت نے اعلان کیا ہے کہ وہ 11 ستمبر کو حلف اٹھائے گی۔سوشل نیٹ ورک ٹوئٹر پر ایک پوسٹ میں طالبان نے کہا کہ نئی حکومت کی حلف برداری کی تقریب 11 ستمبر کو ہوگی۔

11 ستمبر کے حملوں کو اس سال 20 سال مکمل ہونگے۔ 2001 میں امریکی حکومت نے اتحادیوں کے ساتھ افغانستان پر حملہ کیا جس کے بعد طالبان حکومت کا خاتمہ ہوا۔ تاہم طالبان نے اسی دن حلف اٹھانے اعلان کا ہے۔

واضح رہے کہ دو روز قبل طالبان نے افغانستان میں عبوری حکومت بناتے ہوئے کابینہ کے ناموں کا اعلان کیا تھا۔ اسلامی حکومت کے عبوری وزیراعظم محمد حسن اخوند ہوں گے جبکہ ملا عبدالغنی برادر اور ملا عبدالسلام نائب وزیراعظم ہوں گے۔